23 августа 2019, 17:05
Цæгат Ирыстоны физкультурæйы æмæ спорты ног министрæй нысангонд æрцыд Хуыгаты Алан
Уый тыххæй Указ бафыста Битарты Вячеслав.
Цæгат Ирыстоны физкультурæйы æмæ спорты ног министрæй нысангонд æрцыд Хуыгаты Алан. Уый тыххæй Указ бафыста Битарты Вячеслав.
Абон министрады ног разамонæджы коллективæн бацамыдта вице-премьер Азымты Иринæ. Хуыгаты Алан у Уæрæсейы спорты сгуыхт мастер, 2012-æм азы Олимпаг чемпион грекъаг-римаг хъæбысхæстæй. Хорзæхгонд æрцыд Хæлардзинады орденæй, «Ирыстоны Намысы» майданæй. Уымæй дарддæр у кадджын нысаны хицау «Спорты сгуыхтдзинæдты тыххæй». Раздæр уыд Дзæуджыхъæуы муниципалон куыстуат «Фæндаггон фонд»-ы директоры хæдивæг, стæй Парламенты национ политикæйы æмæ фæсивæды хъуыддæгты комитеты сæрдар. Фæстаг рæстæг куыста Уæрæсейы иугонд командæйы хистæр тренерæй грекъаг-римаг хъæбысхæстæй.
