31 августа 2020, 12:24
Цæгат Ирыстоны ног ахуыры аз партæты уæлхъус сбаддзысты 90 мин скъоладзауæй фылдæр
Уыдонæй 9 мины æмæ 700 адæймаджы сты фыццæгæмкъласонтæ
Цæгат Ирыстоны ног ахуыры аз партæты уæлхъус сбаддзысты 90 мин скъоладзауæй фылдæр. Уыдонæй 9 мины æмæ 700 адæймаджы сты фыццæгæмкъласонтæ. Æппæт ахуырадон организацитæ ныридæгæн сæ цæттæдзинады тыххæй фехъусын кодтой. Ацы аз бæрæггæнæн куыст цыди 3-æмæй 17 августы онг. Нæ республикæйы 190 скъолайы ног ахуыры азмæ сты цæттæ, фехъусын кодтой Цæгат Ирыстоны ахуырады æмæ наукæйы министрады. Зонындзинæдты бонимæ баст кадджын линейкæтæ арæзт æрцæудзысты 4-æм сентябры. Уыимæ се ппæт дæр æххæст кæндзысты Уæрæсейы фæлхасадмæ цæстдарды цæгатирыстойнаг Управленийы æдасдзинады домæнтæ. Бæрæгбоны мадзæлтты архайдзысты æрмæстдæр фыццæгæм æмæ иуæндæсæм кълæсты ахуырдзаутæ.
темæмæ гæсгæ
