Ацы аз йæ ахуырдзаутæ систы 5-æм æмæ 6-æм кълæсты 35 лæппуйы
Цæгат Кавказы суворовон æфсæддон училищæ дæр йæ дуæрттæ байгом кодта йæ хъомылгæнинæгтæн. Ацы аз йæ ахуырдзаутæ систы 5-æм æмæ 6-æм кълæсты 35 лæппуйы. Рæзгæ фæлтæр ацыдысты æвзарæн къæпхæнтæ. Уыди дзы карз фæтк æмæ домæнтæ. Кандидаттæ æрмæст сæ зонындзинæдтæ не вдыстой, фæлæ сæ спортивон цæттæдзинад дæр. Уымæй уæлдай ацыдысты психологон тестытæ æмæ медицинон æркаст. Ахуыры процессы рæстæг фæсивæд æрмæст скъолайы программæ нæ цæудзысты, фæлæ ахуыр кæндзысты æфсæддон хъуыддаг дæр, стæй активонæй архайдзысты спортивон æмæ сфæлдыстадон къордты. Суворовонтæн ног ахуыры азы райдианимæ арфæ ракæнынмæ ссыди Хуссар æсæддон зылды командыгæнæджы хæдивæг Алексей Авдеев. Йæ ныхæстæм гæсгæ, суворовон училищæйы хъомылгæнинæгтæ æфсæддон дæсныйадыл ахуыргæнгæйæ сты цыфæнды æфсæддæн дæр резервон бындур.
