Дзæуджыхъæуы хуыздæр театралон фæзты 10 боны фестивалы архайджытæ æвдисдзысты се сфæлдыстад.
Фæсивæды æппæтуæрæсеон бон æххæстгæнгæйæ, Дзæуджыхъæуы райдыдта Цæгат Кавказы театралон фæсивæдон дыккаг фестиваль «Вне сезона». Дзæуджыхъæуы хуыздæр театралон фæзты 10 боны фестивалы архайджытæ æвдисдзысты се сфæлдыстад. Фестивалы нысан у театралон культурæ фæсивæды хсæн парахат кæнын, аивады æрыгон архайджытæм æргом здахын, стæй кæрæдзийы фæлтæрддзинадимæ зонгæ кæнын. Æрыгон актертæ æмæ режиссертæн фадат уыдзæни сценæйы сæхи равдисынæн. Фестивалы размæ актертæ базонгæ сты кæрæдзиимæ, æмæ æрныхас кодтой нырыккон театры рæзты мадзæлттыл. Фестиваль кадджын уавæры байгом кодтой театралон аивады бæстыхайы. Уымæ гæсгæ уал пресс-конференцийы размæ скодтой республикæйы театралон цардыл гыццыл афæлгæст. Пресс-конференцийы ныхас цыди фæсивæдон къордты æркæсинаг фарстатыл дæр. Уый, кусæн фæзтæ, æмæ техникон кусæнгæрзтæ кæй нæ фаг кæны, уый. Фестиваль æхгæд æрцæудзæни фæсивæды æппæтуæрæсеон боны. Архайдзысты дзы Дагестаны минæвæрттæ дæр. Бæрæгбоны изæрмæ бацæуæн уыдзæни лæвар.
