Уыцы-иу рæстæг дзы равæрдта архитектурæйы дыууæ цыртдзæвæны.
Цæгат Ирыстон архайы Мæскуыйы уникалон равдыст «Россия в миниатюре»-йы. Уыцы-иу рæстæг дзы равæрдта архитектурæйы дыууæ цыртдзæвæны. 25-æм июны Царицынойы парчы презентаци скодтой 80 æппæтæй зындгонддæр уæрæсейаг хæзнайæн. Конд сты сæрмагонд масштабы. Райдай Мæскуыйы Кремлæй æмæ Владивостокы Уырыссаг сакъадахы хидæй фæуы. Мæскуыйы цæрджытæн æмæ уазджытæн фадат уыдзæн нæ республикæйы дыууæ цымыдисаг архитектурон-историон объекты фенынæн. Уыдон сты Мухтаровы, кæнæ Сунниттаг мæзджыт, стæй Дзæуджыхъæуы епархийы Хидыхъусы нæлгоймæгты Алайнаг моладзандон. Миниатюрон къопитæ æвæрд сты Царицинойы музей-фæдзæхст бынаты гом арвы бын. Парчы уазджытæ ма дзы фендзысты галуантæ, аргъуантæ, цыртдзæвæнтæ æмæ архитектурæйы бирæ æндæр цымыдисагдæр объекттæ.
