Баст у зындгонд зарæггæнæг Юрий Визборы номимæ
14-æм сентябры альплагерь «Цъæйы» райдайдзæн радон, авторон зарæджы 15-æм Æппæтуæрæсеон фестиваль «Цъæйаг вальс». Баст у зындгонд зарæггæнæг Юрий Визборы номимæ. Ацы аз йæ саразджытæ зæрдæ æвæрынц ног жюрийы уæнгтæй, ног нæмттæй. Уый къухы бафтдзæн, фестивалы географи кæй фæуæрæхдæр уыдзæн, уый фæрцы. Цъæйаг вальсы фæз сси фыццаг дæсгай автортæн æмæ зарæггæнджытæн. Æмæ сын фæндаг радта дарддæр хъуыстгонд фестивальты архайынæн. Ацы аз Цъæймæ хъуамæ ссæуа 30 авторы Санкт-Петербургæй, Мæскуыйæ, Донецкы республикæйæ, Белоруссийæ, Луганскæй, Воронежæй, Владивостокæй, Архангельскæй, Уæрæсейы хуссар хайы горæттæй æмæ Дзæуджыхъæуæй. Уыдзæн дзы сæрмагонд уазæг дæр – зындгонд бард, журналист æмæ фыссæг Леонид Сергеев. Цъæйаг вальс у иунæг уæрæсейаг фестиваль, интернеты комкоммæ трансляцитæ чи кæны. Фароны хатдзæгтæм гæсгæ фестивалы интернет-трансляцимæ кастысты Францийы, Америкæйы Иугонд Штатты, Израилы, Австралийы, Швейцарийы æмæ æндæр бæстæты минæвæрттæ. Национ коллективты архайд та у – ирон адæмы культурæ æмæ традицитæ парахат кæныны ахсджиаг фæрæз.
