Инспектортæ скъоладзаутимæ аныхас кодтой фæндæгтыл цæуыны æгъдæуттыл, сæ зæрдыл сын æрлæууын кодтой фæндæгтæм хæстæг бынæтты хъазæн кæй нæй
Фæндæгтыл æдасæй цæуыны паддзахадон автоинспекцийы пропагандæйы хайады кусджытæ Октябрьскæйы 2-æм скъолайы райдиан клæсты ахуырдзаутæн скодтой профилактикон акци. Инспектортæ скъоладзаутимæ аныхас кодтой фæндæгтыл цæуыны æгъдæуттыл, сæ зæрдыл сын æрлæууын кодтой фæндæгтæм хæстæг бынæтты хъазæн кæй нæй,фæндаджы сæрты раст куыд хизын хъæуы, цæмæй фыдбылызы ма бахауай. Автоинспектортæ сывæллæтты æргом раздæхтой, æхсæвыгон уæлæдарæсыл ирд, кæнæ рухсгæнæн нысантæ дарынмæ. Сывæллæттæ фыдбылызтæй бахъахъхъæныны нысанимæ инспектортæ скъолаты скæнынц викторинæтæ æмæконкурстæ, афтæмæй сын хъазты хуызы бамбарын кæнынц фæндаггон змæлды фæтк.
