03 октября 2019, 12:20
Национ библиотекæйы уыди поэт Уртаты Владиславы уацмысты æмбырдгонд «Зæрдæйы æртæхты» презентаци
Уртаты Владиславы ном нырмдæгæн дæр бацыди нырыккон ирон поэзийы антологимæ.
Национ библиотекæйы уыди поэт Уртаты Владиславы уацмысты æмбырдгонд «Зæрдæйы æртæхты» презентаци.
Уртаты Владиславы ном нырмдæгæн дæр бацыди нырыккон ирон поэзийы антологимæ. Дызæрдыккаг нæу, нырыккон литературæмæ поэт йæхи æвæрæн философон лирикæйæ кæй бахаста, уый тыххæй. Ис ын йæхи стилистикæ, æмæ хицæн кæны йæ поэтикон æрмдзæфæй. 2003-æм азæй фæстæмæ Уртаты Владислав у Уæрæсейы фысджыты Цæдисы уæнг. Цалдæр азы размæ ахуырадон программæйы автортæ Уртаты Владиславы æмдзæвгæтæ бахастой скъолаты национ – регионалон компоненты хай ахуыр кæныны фæткмæ. Ацы изæр та библиотекæмæ поэтимæ фембæлдмæ æрбацыдысты йæ хæлæрттæ, стæй ирон интеллигенцийы минæвæрттæ.
темæмæ гæсгæ
