Уырыссаг Аивады Музейы фенæн уыдзæн Хуссар Ирыстоны сгуыхт нывгæнæджы куыстытæ.
Мæскуыйы байгом уыдзæн Каджаты Вадимы нывты равдыст.
Уырыссаг Аивады Музейы фенæн уыдзæн Хуссар Ирыстоны сгуыхт нывгæнæджы куыстытæ. Каджаты Вадим у Уæрæсейы нывгæнджыты цæдисы уæнг, Цæгат æмæ Хуссар Ирыстоны сгуыхт нывгæнæг, каст фæци Цхинвалы аивæдты лицей. Иттæг хорз бæрæггæнæнтимæ каст фæци Санкт-Петербурджы Илья Репины номыл нывкæнынады, скульптурæйы æмæ архитектурæйы паддзахадон институт. Æртæ хатты йын лæвæрд æрцыд сызгъæрин майдантæ, 2009-æм азы та нымад æрцыд хуыздæр рауагъдоныл. Уымæй дарддæр ма у преми «Музы Санкт-Петербурга»-йы лауреат. Ныртæккæ Каджаты Вадим у Кæсæг-Балхъары Адæмон нывгæнæг Хамид Савкуевы æрмадзы ассистент. Цæры æмæ кусы Санкт-Петербурджы. Нывгæнæджы куыстытæ сты хи коллекциты дунейы алы бæстæты.
