08 ноября 2019, 17:57
Ансамбль «Ритмы гор»-ы доулисттæ райстой гран-при аивæдты æппæтадæмон фестивалы
Арæзт æрцыд Грецийы сакъадах Родосы
Хъæбæлоты Билары номыл сывæллæтты сфæлдыстады галуаны ансамбль «Ритмы гор»-ы доулисттæ райстой гран-при аивæдты æппæтадæмон IV–æм фестивалы. Арæзт æрцыд Грецийы сакъадах Родосы. Æвзонг артисттæн радтой кубоктæ æмæ дипломтæ. Ансаблæн разамынд дæтты Карсанты Мæхæмæт. Фестивалы архайдтой 24 хореографион, вокалон, театралон æмæ инструменталон коллективтæ Уæрсейæ, Грецийæ, Финляндийæ, Казахстанæй æмæ æндæр бæстæтæй. «Ритмы гор» йæ арæхстдзинад æвдыста номинаци «Инструменталон арæхстдзинады» æмæ акодта дыууæ номеры. Фестивалы ма, конкурсон куыстытæй уæлдай, уыд дысныйадæвдисæг ахуыртæ, семинартæ.
темæмæ гæсгæ
