Республикæйы ахуырады министрадæй куыд хъусын кæнынц, афтæмæй 1 милуан сом райсыныл архайдзысты, хъæутæм кусынмæ чи ацæуа, уыцы ахуыргæнджытæ
2020-æм азы Цæгат Ирыстоны, Уæрæсейы иннæ субъекттимæ æмрæнхъ царды уадзын райдайдзысты программæ «Хъæуты кусæг ахуыргæнæг». Республикæйы ахуырады министрадæй куыд хъусын кæнынц, афтæмæй 1 милуан сом райсыныл архайдзысты, хъæутæм кусынмæ чи ацæуа, уыцы ахуыргæнджытæ. Ныртæккæ министрады специалисттæ цæттæ кæнынц, конкурс саразыны тыххæй барадон бындур. Программæ царды куы рацæуа, уæд фадат ратдзæн ахуыргæнджыты нымæц фæфылдæр кæнынæн. Ныртæккæ федералон æмвæзадыл снысан кодтой конкурсы сæйраг домæнтæ. Фыццаджыдæр хъуамæ уа уæлдæр кæнæ астæуккаг профессионалон ахуырад. Уымæй дарддæр педагог хъуамæ хъæуы бакуса 5 азы дæргъы. Конкурсы æппæт къæпхæнтæ уыдзысты æргом, æмæ сæ фенæн уыдзæн цыфæнды афон дæр, зæгъынц ахуырады æмæ наукæйы министрады. Январы федералон порталы нысан кæнынц ахуырадон организациты номхыгъд ныммыхуыр кæнын. Ома программæ «Земский учитель»-ы чи архайдзæн, уыдон. Стæй ма иу хъуыддаг – педагогæн йæ бон у æрмæстдæр иу куысты бынатмæ бадæттын курдиат.
