фтæмæй рæзгæ фæлтæры разæнгард кæнынц ацы къабазмæ, уыимæ та сын æххуыс кæнынц фидæны технологитæ æмæ программæтæ аразынимæ баст дæсныйад райсынæн
Фидæны технологитæ — нырыккон афоны. Республикæйы æнтыстджынæй æххæстгонд цæуы ахуырадон проект «Нымæцты урок». Уый фæрцы скъоладзаутæн ис «Яндекс», «Лаборатория Касперского» æмæ æндæр раззагдæр технологон компаниты специалисттæй зонындзинæдтæ райсыны фадат. Ахуыртæ цæуынц хъазты хуызы. Афтæмæй рæзгæ фæлтæры разæнгард кæнынц ацы къабазмæ, уыимæ та сын æххуыс кæнынц фидæны технологитæ æмæ программæтæ аразынимæ баст дæсныйад райсынæн. Мæздæджы районы 108-æм скъолайы ахуыртæ куыд цæуынц.
Бæстæйы фидæн æмæ ныфс. Нырма скъолайы чи ахуыр кæны, уыцы рæзгæ фæлтæр ныридæгæн зонынц, цы дæсныйад сæ райсын фæнды фидæны, æмæ сæ цы бæрзæндтæм схизын фæнды, уый. Се хсæн Четойты Вячеслав. Мæздæджы 108-æм скъолайы ахуырдзау равзæрста йæхицæн дæсныйад, æнæмæнгæй хъуамæ баст уа информацион технологитимæ.
Æппæтуæрæсеон проект «Нымæцты урок» æххæстгонд цæуы скъоладзауты нымæцон экономикæмæ разæнгард кæныны нысанимæ. Стæй рæзгæ фæлтæримæ ацы къабазимæ баст профориентацион куыст кæнынимæ. Ацы хат Мæздæджы 108-æм скъолайы ахуырдзаутæн урок скодта информацион технологиты æмæ бастдзинады управленийы разамонæг Сæлбиты Алан. Хуымæтæг æвзагæй радзырдта æмæ бамбырын кодта «Яндекс»-ы платформæйы бындуры цавæр технологитæ ис, уый.
Мæздæджы 108-æм скъолайы фылдæр æргом здæхт цæуы математикæмæ. Уымæ гæсгæ, ахæм проекттæ фылдæр æххæстгонд фæцæуынц ам. Фæлæ, «Нымæцты урок»-ы алы адæймагæндæр йæ бон архайын у онлайны хуызы.
Нырыккон технологитимæ бындурондæрæй зонгæ кæнынц Яндекс-Лицейы ахуырдзаутæ. Республикæйы Сæргълæууæг Битарты Вячеславы æххуысæй ацы ахуырадон проект æххæстгонд æрцыди Цæгат Ирыстоны дæр. Лицейы ахуырдзауты хсæн сты мæздæггæнгæ дæр.
Информацион технологитæй аразгæ у фидæн. Ахсджиаг у, нæ республикæйы дæр нымæцон экономикæйы бындуртыл кæй ахуыр кæнынц, уый.
Информацион технологиты дунейы сæхи бафæлварыны фадæттæ мæздæггæгтæн фæзындзæн Кванториум байгом кæныны фæстæ. Комплекс байгом кæныны фæнд кæнынц 1-æм сентябрьмæ. Уыцы рæстæгмæ бацæттæ кæндзысты педагогты дæр.
