рхайдта дзы ахуырады æмæ наукæйы министр Алыбекты Эллæ
Æрыгон ахуыргæнджыты æппæтуæрæсеон регионалон конкурс «Педагогон дебют» кадджын уавæры байгом Беслæны. Архайдта дзы ахуырады æмæ наукæйы министр Алыбекты Эллæ. Раарфæ кодта конкурсанттæн æмæ загъта, абон ахуырады системæйы райрæзтмæ стыр æргом здæхт кæй цæуы, уый. Мадзал арæзт æрцыд педагогы аз æххæстгæнгæйæ. Архайынц дзы 20 ахуыргæнæджы – муниципалон къæпхæнты уæлахиздзаутæ æмæ призертæ. Алкæцыйы фæлтæрддзинад дæр 4 азæй фылдæр нæу. Ерысы уыдзæн 3 туры. Фыццаджы ахуыргæнджытæ равдисдзысты урок, фæсурокты ахуыр æмæ куысты презентаци. Дыккаг турмæ рахиздзæн 10 адæймаджы – фылдæр баллтæ кæмæ уа, уыдон. Хъæудзæн публикæйы раз раныхас кæнын. Хатдзæгтæм гæсгæ, 5 ахуыргæнæджы æвзæрст æрцæудзысты æртыккаг турмæ. Финалы дзуаппытæ дæтдзысты фæрстытæн. Уæлахиздзау республикæйы кад хъахъхъæндзæн æппæтуæрæсеон конкурс «Педагогон дебют»-ы кæронбæттæн къæпхæны.
