Рахизфарсы æмæ Кировы районты хъомылгæнджытæ, стæй сывæллæтты ныййарджытæ семинары рæстæг федтой, сабиты цæуыл ахуыр кæнынц, уый
Рæвдауæндæтты полилингвалон ахуырады программæ æххæст кæнгæйæ, Беслæны 3-æм рæвдауæндоны арæзт æрцыд семинар. Рахизфарсы æмæ Кировы районты хъомылгæнджытæ, стæй сывæллæтты ныййарджытæ семинары рæстæг федтой, сабиты цæуыл ахуыр кæнынц, уый. Архайдта дзы республикæйы ахуырады æмæ наукæйы министр Алыбекты Эллæ дæр. Рæвдауæндон йæ куыст равдыста дыууæ къорды дæнцæгыл. Кæстæр къорды сывæллæттæ хъазты хуызы ахуыр кæнынц ирон æзаг, хистæртæ та йæ ныридæгæн дæр зонынц. Семинар арæзт у хъомылгæнджыты куысты ахадгæ методикæтыл бакусыны тыххæй. Поликультурон ахуырады полилингвалон моделы сæйраг хæс – мадæлон æвзаг бахъахъхъæнын æмæ йын йæ райрæзтыл кусын.
