Уый тыххæй республикæйы Сæргълæууæг фехъусын кодта йæ телеграмм-каналы
Цæгат Ирыстоны Национ музей æмæ театралон аивады музей ацы аз сифтонг кæндзысты ног кусæнгæрзтæй. Уый тыххæй республикæйы Сæргълæууæг фехъусын кодта йæ телеграмм-каналы. Субсиди – 28 милуан сомы нæ республикæ райсдзæн, национ проект «Культура»-йы активонæй кæй архайы, уый тыххæй. Дыууæ музейæн дæр самал кæндзысты ног экспозицион тæрхæджытæ, климат-контролы системæтæ, аудиогидтæ æмæ æндæр хъæугæ дзаумæттæ. Цæгат Ирыстоны Национ музей баиу кодта музейты хыз, 11 филиалимæ. Æмтгæй райсгæйæ дзы ис 4 мин экспонаты. Экспозици фадат дæтты ирон адæмы социалон-экономикон æмæ культурон рæзты къæпхæнты фенынæн. Райдай рагзамантæй æмæ 21-æм æнусы райдианæй фæуы. Театралон аивады музейы экспозици та æвдисы Ирыстоны профессионалон театрты историон æмæ театралон культурæ. Ныртæккæ музейы фонды ис 16 мин дзаумайæ фылдæр. Революцийы агъоммæйæ, советон рæстæгæй æмæ нырыккон дугæй.
