Советон æмæ уæрæсейаг актер радзырдта, дзæуджыхъæуккаг уæлдæф йæ зæрдæмæ куыд фæцыди, уый
Кино йæ царды цавæр бынат ахсы, йæ цард та кинойы… Ацы, æмæ æндæр асхджиаг хъуыддæгты тыххæй радзырдта Уæрæсейы Федерацийы Адæмон артист Виктор Сухоруков. Евгений Вахтанговы хæдзар-музейы арт-кафейы фембæлд ирыстойнаг журналисттимæ. Советон æмæ уæрæсейаг актер радзырдта, дзæуджыхъæуккаг уæлдæф йæ зæрдæмæ куыд фæцыди, уый. Тынг зæрдиагæй йыл сæмбæлдысты. Уæвгæ, Цæгат Ирыстон тынг уазæгуарзон кæй у, уый зыдта раздæр дæр. Виктор Сухоруков радзырдта йæ уарзон рольты, стæй нырыккон киноиндустрийы тыххæй. Актер куыд загъта, афтæмæй ногдзинæдтæ алы хатт хуыздæрырдæм арæзт нæ вæййынц. Ахсджиаг у рагон скъола хъуыды кæнын, æмæ культурæйы ирддæр минæвæртты традицитæ дарддæр хæццæ кæнын. Виктор Сухоруков Дзæуджыхъæумæ ссыд сфæлдыстадон программæимæ. Раргом дзы кодта адæймаджы алы æнкъарæнтæ. Ахæм формат ын ног у, фæлæ тынг цымыдисаг.
