филиал вгтрк государственная телерадиовещательная компания “Алания”

Рауагъдонтæ радтой фæлварæн æхсæнадзонынæй. Уый у æппæтæй парахатдæр предметтæй иу. Фæлварæн ма уыд физикæйæ дæр. Ацы предмет чи дæтты, уыдоны нымæц фæстаг рæстæг фæфылдæр, зæгъынц ахуырады æмæ наукæйы министрады. Фæлварæнтæ кæм лæвæрдтой, уыцы пункттæ рагагъоммæ бацæттæ кодтой. Бацæуæны – металлагурæн, амонæгтæ, кълæсты – видеоцæстдарды камерæтæ. Процессмæ кæсынц æхсæнадон æмæ федералон цæстдарджытæ. Сæ хатдзæгтæ рауагъдонтæ базондзысты 20-æм июны онг. Уыдзæн ма сæм фæлварæнтæ информатикæйæ, фæсарæйнаг æвзагæй, историйæ æмæ биологийæ. Ацы аз цы ногдзинад фæзынд – предметтæй иу ногæй радтын – уый сæххæст кæнынæн та снысан кодтой 4-æм æмæ 5-æм июль.