1-æмæй 7-æм августмæ сын фæлтæрдджын ахуыргæнджытæ кодтой лекцион, семинарон æмæ практикон ахуыртæ, олимпиадæ, æвзæрстой хæслæвæрдтæ, кастысты наукон-популярон лекцитæ, хъазыдысты рæзгæ фæлтæримæ интеллектуалон хъæзтытæй
Бæлвырд наукæты нудæсæм сæрдыгон скъола хистæркъласонтæн йæ куыст фæцис. Архайдтой дзы 5-æм-10-æм кълæсты ахуырдзаутæ. 1-æмæй 7-æм августмæ сын фæлтæрдджын ахуыргæнджытæ кодтой лекцион, семинарон æмæ практикон ахуыртæ, олимпиадæ, æвзæрстой хæслæвæрдтæ, кастысты наукон-популярон лекцитæ, хъазыдысты рæзгæ фæлтæримæ интеллектуалон хъæзтытæй æмæ арæзтой ерыстæ. Программæмæ хаст æрцыдысты, Хуссар математикон турниры цы хæслæвæрдтæ уыдзæн, уыдон. Ерыс уыдзæн сентябры лагерь «Орленок»-ы. Скъолайы хатдзæгтæм гæсгæ сбæрæг сты хуыздæр ахуырдзаутæ. Саккаг сын кодтой дипломтæ æмæ зæрдылдарæн лæвæрттæ. Ацы аз программæ баст уыд 2 ахсджиаг цауимæ – Уæрæсейы наукæты академийы 300 азимæ æмæ академийы Дзæуджыхъæуккаг наукон центры 30 азимæ.
