Уый у, сывæллæтты программированийыл кæм ахуыр кæндзысты, ахæм инновацион фæз
Алагиры 2-æм астæуккаг скъолайы национ проект «Ахуырад» æххæстгæнгæйæ байгом IT-куб. Уый у, сывæллæтты программированийыл кæм ахуыр кæндзысты, ахæм инновацион фæз. Уымæй уæлдай скъоладзаутæн амондзысты робототехникæйы, алгоритмикæйы æмæ логикæйы зонæдтæ. Бæлвырддæр – Чехойты Фатимæ.
Реуазты Астан у 9-æм къласы ахуырдзау. Фæнды йæ программист суæвын. Уымæ гæсгæ тырны арф зонындзинæдтæ райсынмæ информацион технологитæй. Ныр Алагиры 2-æм астæуккаг скъолдайы цы ног IT-куб байгом, уый руаджы йын фæзынд хорз фадат йæ фæнд æххæст кæнынæн.
IT-клуб у, сывæллæтты программированийыл кæм ахуыр кæндзысты, ахæм инновацион фæз. Байгом национ проект «Ахуырад» æххæстгæнгæйæ. Ног кълæстæ, профессионалон техникон фæрæзтæ æмæ æрыгон специалисттæ – ам алцыдæр ис хъæугæ зонындзинæдтæ райсынæн. Центр бабæрæг кодта ахуырад æмæ наукæйы министр Алыбекты Эллæ.
Сывæллæттæ кубы зонындзинæдтæ исдзысты программированийæ, чырæ телефонтæн æфтуантæ аразынæй. Уымæй уæлдай сын амондзысты алгоритмикæ æмæ логикæйы сусæгдзинæдтæ. Ам зонындзинæдтæ исыны фадат ис æрмæст Алагиры районы скъолаты ахуырдзаутæн нæ, фæлæ ма Æрыдоны, Дигорайы æмæ Æрæфы районты сывæллæттæн дæр.
Цæгат Ирыстоны ныр ис 2 IT-кубы. Уымæ гæсгæ нæ республикæйы скъоладзауты *хсæн профессионалон æгъдауæй программированийы ахуырад уæрæхдæр кæны.
