Йæ архайджытæ систы Уæрæсейы 9 субъектæй фидæны 30 специалисты
Цæгат Ирыстоны йæ куыст кæны 5-æм Æппæтуæрæсеон архитектурон экспедици. Йæ архайджытæ систы Уæрæсейы 9 субъектæй фидæны 30 специалисты. Ивгъуыд аз бабæрæг кодтой Дзæуджыхъæуы историон хай. Ацы аз та стыр æргом азæдхтой Кировы районы Тæтæртупы мæсыгмæ. Акцийы архайджытимæ базонгæ нæ уацхæссæг Хъайтмазты Дзерассæ, æмæ йын бакæсæм йæ сюжетмæ.
Къубалты Султан æнæвгъауæй дæтты йæ зонындзинæдтæ фæсивæдæн. Тæтæртупы минареты тыххæй æрмæст чингуытæй нæ зоны. Æрыгон лæппу уæвгæйæ-иу, Елхотæй йе мбæлттимæ арæх æрбацыд ацы сыгъдæг бынатмæ.
Тæтæртупы минареты истори хауы астæуккаг æнустæм. Тæтæр-монголаг æрбабырсты рæстæг арæзт æрцыд горæт Уæллаг Дзылат рагон алайнаг горæт Дедяковы бынаты. Уыдис ын ахсджиаг нысаниуæг. Ам арæзт æрцыд 2 мæзджыты минареттимæ, Уыд дзы чырыстон аргъуантæ дæр. Кæддæриддæр ирон адæмæн ацы бынат уыд сыгъдæг.
Хъыгагæн, Тæтæртупы минарет бахъахъхъæнын нæ бантыст. Ивгъуыд æнусы 80-йæм азты рацаразæн куыстытæ раст æххæстгонд кæй нæ уыдысты, уый аххосæй мæсыг фехæлд. Баззадысты æрмæст йæ бындуры хæйттæ. Тæтæртупы мæсыг сног кæнын гæнæн ис, зæгъынц специалисттæ. Уымæн ис æппæт хъæугæ æрмæг.
Истори æмæ традицитæ бахъахъхъæныны нысанимæ арæзт æрцыд ацы тыгъдад саив кæныны проектыл бакусыны конкурс. Се ргом æм раздæхтой æппæтуæрæсеон архитектурон экспедицийы архайджытæ. Йæ хыгъды – фидæны 30 специалисты – Уæрæсейы 9 субъекты минæвары.
Тæтæртуп бабæрæг кæнгæйæ, экспедицийы архайджытæ снысан кодтой территоримæ базилыны фæндтæ.
Конкурсæн хатдзæгтæ скæндзысты хæстæгдæр рæстæг. Æмæ уæд, гæнæн ис, æмæ бантысдзæн, специалисттæ дунеон архитектурон арæзтадты æмрæнхъ цы цыртдзæвæн æвæрынц, уый сног кæнын.
Хъайтмазты Дзерассæ
