Ерысы архайдта 75 регионы
Скъолайы хæрæндон у ахуырдзауты уарзон бынат. Хъæрмхуыппытæ, котеллæ, салаттæ, адджын гуылтæ. Дзæуджыхъæуы 40-æм скъолайы сæ уæлдай хæрзад цæттæ кæнынц. Ахуыргæнæндон сси æппæтуæрæсеон конкурс «Скъолайы хуыздæр хæрæндон»-ы лауреат æмæ бацахста 3-аг бынат. Ерысы архайдта 75 регионы. Бæлвырддæр радзурдзæн Хъайтмазты Дзерассæ.
Ацы хæрæндоны хойрæгтæ æрмæст 40-æм скъолайы ахуырдзауты зæрдæмæ нæ цæуынц. Æппæтуæрæсеон конкурс «Скъолайы хуыздæр хæрæндон»-ы жюри сын бæрзонд аргъ скодта.
75 регионы, 110 командæйы, 500 архайæгæй фылдæр. Конкурсы уыд 5 къæпхæны. Цæгат Ирыстонæй хæринаггæнджытæ равдыстой скъолайы меню æмæ, рационмæ бахæссын кæй фæнд кæнынц, ахæм ног хойрæгтæ. Равдыстой цæттæ кæныны техникæ дæр. Нæ архайджытæ ма æнтыстджынæй дзуапп радтой ныййарджыты æппæт фæрстытæн æмæ ацыдысты квест. Райстой 95 баллы. Уый фæрцы сын бантыст Мæскуыйы суперфиналмæ бахауын.
Хъæрхуыппытæ, котлеттæ, наггетстæ. Скъолайы менюйы алчидæр ссардзæн йæхицæн зæрдæмæдзæугæ хæринаг.
40-æм скъолайы хæринаггæнджытæм ис ног цымыдисаг хъуыдытæ. Царды рауадзын сæ фæнд кæнынц хæстæгдæр рæстæг.
