2024-æм азы егъау цауы генералон спонсор уыди Цæгат Ирыстон. Куыд зонæм, афтæмæй ацы аз нæ республикæ бæрæг кæны 3 юбилейы: Ирыстон Уæрæсеимæ баиуы 250 азы, автономон социалистон республикæйы равзæрды 100 азы æмæ Дзæуджыхъæуы 240 азы. Уымæ гæсгæ, кадджын мадзалы бындур баст уыди Ирыстоны национ æууæлтимæ. Арфæйы ныхæстæ финалисттæн загъта Сергей Меняйло. Бузныг загъта конкурсы уæлахиздзаутæн.
Национ медиатыгъдады рæзтмæ æвæрæн кæй хæссынц, уый тыххæй. Хуыздæрты æмрæнхъ уыдысты не мзæххонтæ дæр. Национ телекомпани сси номинаци «Регионалон бренд»-ы уæлахиздзау. Автортæ – Мæхъиты Иннæ, Соппойты Аннæ æмæ Хъесаты Элинæ. Уымæй уæлдай, телекомпани фыццаг бынат райста номинаци «Мах»-ы, проект «Цъæйы фæрдгуыты» фæлгæты, йæ автор Гуыбаты Людмилæ. Хæрзиуджытæ дæттыны бынат аивгонд уыди Цæгат Ирыстоны рæсугъддæр бынæтты хуызистытæй. Уазджытыл сæмбæлдысты ирон национ интерактивон фотозонæимæ. Мадзалы сфидыдта, регионы туристон оператортæ цы стенд бацæттæ кодтой, уый дæр.
