Цыд Налцыччы 4-æмæй 7-æм январы онг
Алагиры кафджыты ансамбль «Джигит» рамбылдта 8-æм æппæтадæмон фестиваль «Евразийы курдиатты» Гран-При. Цыд Налцыччы 4-æмæй 7-æм январы онг. Фестиваль сæмбырд кодта курдиатджын кафджыты, зарæггæнджыты, адæмон инструментты оркестрты Уæрæсейæ, раздæры Советон Цæдисы бæстæтæй æмæ фæсарæнтæй, суанг Индийæ æмæ Грекъæй, æмæ сси Ног азы фыццаг бонты культурон царды ахсджиаг цау. Чехойты Фатимæ радзурдзæн бæстондæр.
Курдиатджын æрыгон кафджытæ. Ацы сывæллæттæ нырма хæрзæрæджы æрбацыдысты ансамбльмæ, фæлæ ныридæгæн сæхи иттæг хорз равдыстой æппæтадæмон конкурсы. Сфæлдыстадон къорд «Джигит»-ы алы сывæллоны зæрдæйы дæр ис æгæрон уарзондзинад кафтмæ. Уый тыххæй бантыст ансамблæн ахæм стыр æнтыстдзинад.
Ансамбь «Джигит» иннæ кафджыты къордтæй хицæн кæны йæхи техникæйæ. Цæмæй сывæллæттæ адæмон кафт дæсны акæной, ууыл нывыл бакусынц хореографтæ. Уый руаджы къорды цæттæдзинад у бæрзонд. Уымæн æвдисæн – жюри æмæ адæм стыр аргъ кæй скодтой сывæллæтты арæхстдзинадæн, уый.
Ансамблы архайджыты * хсæн ис ахæм сывæллæттæ, кæцытæн ацы конкурсы архайд уыд фыццаг
Се стыр æнтыстыл цин кæнынц æрыгон кафджытæ æмæ хореографтæ. Уый сæ адæмон кафтмæ æмæ конкурсты архайынмæ тынгдæр сцымыдис кодта. Алы сфæлдыстадон кусæгæн дæр ахсджиаг у, йæ профессионалон зонындзинæдтæн ын аккаг аргъгонд куы *рцæуы, уый.
Ансабль «Джигит» йæ дæсныйадæй байгом кодта йæхицæн фæндаг ноджы егъаудæр фестивалы архайынмæ. Цæгатирыстойнаг курдиатджын чызджытæ æмæ лæппутæ сæ арæхстдзинад равдисын цæттæ кæнынц уалдзæджы, Санкт-Петербурджы цы равдыст цæудзæн, уым.
