Ныффидар кодтой æмæ базылдысты, иумæйаг кæртмæ чи цæуы, уыцы бæстыхайы æддаг бакаст
Тугъанты Махарбеджы номыл аивадон музейы кæронмæ æрхæццæ сты цалцæггæнæн куыстытæ. Ныффидар кодтой æмæ базылдысты, иумæйаг кæртмæ чи цæуы, уыцы бæстыхайы æддаг бакаст. Ахæм фадат фæзынд, национ проект «Культурæ»-йы фæрцы. Афтæмæй æххæстгонд цæуы федералон проект «Культурон тыгъдад». Специалисттæ базылдысты мидæггаг кæрты территоримæ. Кæронмæ æрхæццæ бæстыхайы архитектурон элементты рацарæзт. Баивтой æмæ сцалцæг кодтой рудзгуытæ, фæрсаг тæрхæджытæ, радиаторон хызæгтæ. Огановы хæдзар арæзт æрцыд 120 азы размæ. 1959-æм азы та сси музей. Ныртæккæ дзы ис 5 мин экспонатæй фылдæр нывкæнынадæй, графикæйæ, скульптурæйæ æмæ æрмдæсныйадæй. Рагон хи хæдзарыл фенæн ис зодиакы нысантæ æмæ цымыдисаг интерьертæ. Фидарæй зæгъæн ис уый, æмæ объект нымад у Дзæуджыхъæуы символтæй иуыл. Æнусæй фылдæр аив кæны нæ горæты сæйраг уынг. Уæ зæрдыл уын æрлæууын кæндзыстæм, музей нымад у, федералон нысаниуæг кæмæн ис, ахæм историйы æмæ культурæйы цыртдзæвæныл.
