филиал вгтрк государственная телерадиовещательная компания “Алания”

Фæвæййы æрыгон иртасджыты 22-æм республикон конкурс «Наукæмæ къæпхæн»-ы комкоммæ тур. Конкурс цæуы Цæгат Кавказы хæххон-металлургон институты бындурыл. Архайынц дзы 250 скъоладзауы республикæйы 75 ахуыргæнæндонæй. Ерысы ис 3 кары категорийы æмæ 24 секцийы гуманитарон, æрдзон-наукон, математикон æмæ техникон наукæты къабазы. Æвзонг иртасджыты куыстытæн аргъ кæны жюри. Йæ хыгъды сты ахуырады системæйы минæвæрттæ. Уæлахиздзауты æмæ призерты схорзæхджын кæндзысты дипломтæй æмæ майдантæй, комкоммæ этапы æппæт архайджытæ та райсдзысты сертификаттæ. Кадджын мадзал арæзт æрцæудзæн 7-æм февралы.