Ис дзы æппæт нырыккон уавæртæ, цæмæй сабитæ сæ рæстæг зæрдæмæдзæугæ æмæ пайдаимæ æрвитой, уый тыххæй
Дзæуджыхъæу байгом ног рæвдауæндон Хуссар æфсæддон зылды хæстонты сывæллæттæн. Ис дзы æппæт нырыккон уавæртæ, цæмæй сабитæ сæ рæстæг зæрдæмæдзæугæ æмæ пайдаимæ æрвитой, уый тыххæй. Кадджын мадзал бабæрæг кодтой Уæрæсейы Федерацийы хъахъхъæнынады министрады департаменты разамонæджы хæдивæг Сергей Сущенко, Цæгат Ирыстоны Хицауады сæрдары хæдивæг Платы Альбинæ. Рæвдауæндоны ис 250 бынаты. Æххæст у ныв кæныны, гимнастикæйы, хореографийы кълæстæй, 2 спортивон залæй, бассейнæй. Къордты ис интерактивон фæйнæджытæ. Хъазæн фæзтæ ифтонг кæнгæйæ, пайда кодтой æдас æрмæджытæй, æрхизæнтæ æмæ схизæнтæ арæзт сты, быргæ чи нæ кæны, ахæм æрмæджытæй. Тæрриторийы ныссагътой бæлæстæ, уынджы фæзтæ та сарæзтой аууон зонæты.
