Ерысты сæ дæсныйад *вдисынц бæстæйы 56 регионы минæвæрттæ
Цæгат Кавказы аграрон технологон колледжы цæуы чемпионат «Профессионалты» хатдзæгтæгæнæн къæпхæн. Ерысты сæ дæсныйад *вдисынц бæстæйы 56 регионы минæвæрттæ: 130 адæймаджы – астæуккаг профессионалон ахуырады студенттæ æмæ скъоладзаутæ. Бæлвырддæр хабæрттæ радзурдзæн Чехойты Фатимæ.
Къæбысты Филипп у Цæгат Кавказы аграрон-технологон колледжы студент. Æрыгон лæппу Уæрæсейы кад хъахъхъæндзæн æппæтадæмон ерысты, куыд хъæдæрмæгимæ хуыздæр архайæг, афтæ. Ныр та уал йæ дæсныйад *вдисы чемпионат «Профессионалы»-йы.
Цæгат Кавказы аграрон-технологон колледжы райдыдта чемпионаты хатдзæгтæгæнæн къæпхæн. Ерысты сæ дæсныйад *вдисынц бæстæйы 56 регионы минæвæрттæ:130 адæймаджы – астæуккаг профессионалон ахуырады студенттæ æмæ скъоладзаутæ. Валерия МарашОва чемпионаты фыццаг хатт архайы.
Студенттæ сæ зонындзинæдтæ *вдисынц 5 дæсныйады, скъоладзаутæ та – цыппары. Цæгат Ирыстонæй æппæтадæмон ерысты архайдзысты 13 курдиатджын лæппу æмæ чызджы.
Архуыргæнæн æрмадзты фенæн ис æрмæст студентты нæ, фæлæ скъоладзауты дæр. Уыдон сæхи цæттæ кæнынц профессионалон дæсныйады чемпионат «Мастерята Аланийы» архайынмæ. Уый цæудзæн æртыккæгæм æмæ цыппæрæм кълæсонты *хсæн.
Хуыздæрты æвзардзысты 14 дæсныйады. Чемпионат хорз фадат у йæ архайджыты курдиæттæ раргом кæнынæн. Мадзал æххуыс у скъоладзауты профориентацийы хъуыддаджы дæр.
