Сæйраг темæтæй иу уыд Ирыстоны историйы ахуыргæнæн чингуытыл бакусын 5-7-æм кълæстæн
«Национ ахуырад: абон æмæ райсом». Ахуырады кусджыты æрвылазон Августы конференцийы программæ æххæст кæнгæйæ, Дзæуджыхъæуы арæзт æрцыд радон мадзал. Сæйраг темæтæй иу уыд Ирыстоны историйы ахуыргæнæн чингуытыл бакусын 5-7-æм кълæстæн. Ахуырады æмæ наукæйы министр Алыбекты Эллæ куыд фехъусын кодта, афтæмæй ирон æвзаг æмæ литературæйæ 18 чиныджы бахастой федералон хыгъдмæ. Ноджыдæр ма 12 чиныджы тыххæй бафыстой протокол, федералон экспертизæ кæй ацыдысты, уый тыххæй. Уымæй дарддæр ма профилон министр загъта, Цæгат Ирыстоны кæй æххæст кæнынц цалдæр проекты, национ æвзаджы рæзты фæдыл. Конференцийы ма кады гæххæттытæй схорзæхджын кодтой ахуырады къабазы хуыздæр кусджыты.
