12 сентября 2025, 11:08
Нывгæнджыты Цæдисы байгом Адыгейæ нывгæнæг Сергей Филатовы куыстыты равдыст
Арæзт æрцыд авторы 70 азы кадæн
Нывгæнджыты Цæдисы байгом Адыгейæ нывгæнæг Сергей Филатовы куыстыты равдыст. Арæзт æрцыд авторы 70 азы кадæн. Сергей Филатов у Ростовы аивæдты училищæйы æмæ Адыгейы паддзахадон аивæдты институты рауагъдон. 1997 азы сси Уæрæсейы нывгæнджыты цæдисы уæнг. Авторы аивадон *взаг дзуры историйы, стæй культурæйы хæзнаты тыххæй. Цырагъ, змисæй сахат, дидинджытæ, чингуытæ – нывгæнæг арæх спайда кæны рæстæджы символтæй. Йе сфæлдыстады стыр *ргом здахы Библийы темæмæ. Филатовы нывтæ фенæн ис Уæрæсейы, Польшæйы, Германийы, Иорданийы адæмы хи коллекциты. Равдысты æвæрд æрцыдысты 70 куыстæй фылдæр. Бабæрæг кæнæн æй ис 1-æм октябрмæ.
темæмæ гæсгæ
