Сывæллæтты театр «Саби»-йы аивадуарзджытæм æнхъæлмæ кæсы ирон аргъаутты мотивтæм гæсгæ спектакльтæ
Дзæуджыхъæуы байгом сты Новосибирскы облæсты куклаты театры гастрольтæ. Сывæллæтты театр «Саби»-йы аивадуарзджытæм æнхъæлмæ кæсы ирон аргъаутты мотивтæм гæсгæ спектакльтæ. Новосибирскы минæвæртты гострльтæ сты проект «Сыбыр-Ирыстон. Куклаты гастрольты» хай. Проект сси ацы азы культурон хъæппæристы Президенты фонды грантты дыккаг конкурсы уæлахиздзау. Йæ фæлгæты цæгатирыстойнаг сывæллæтты театр «Саби» æвæры Сыбыры адæмон аргъау, Новосибирскы сывæллæтты театр та ирон адæмон аргъау. Дыууæ регионæн фæзынд кæрæдзийы уникалон культурæимæ базонгæ уæвыны фадат. Аргъæуттæм музыкæ фыссынц Цæгат Ирыстоны æмæ Новосибирскы облæсты æрыгон композитортæ. Гастрольты фæстæ дæр аргъæуттæ баззайдзысты театрты репертуарты. Проекты нысан у дыууæ регионы хсæн фидар ахастдзинæдтæ парахат кæнынимæ.
