Киноныв дзурæг у ирыстойнаг дзурынывтæ фыссæг Мæрзойты Самсоны цардвæндаджы тыххæй
Нырыккон журналистикæйы 29-æм форум «Вся Россия»-йы Сочийы арæзт æрцыд цыбырметражон киноныв «Самсон»-ы премьерон равдыст. Киноныв систа кинонкомпани «Наследие», Уæрæсейы кинематографистты Цæдисы регионалон рæзты Фонды æххуысæй. Режиссер у Золойты Фатимæ, оператор-æвæрæг – Данила Горюнков. Кинолентæйæн презентаци скодтой продюсертæ Екатерина æмæ Петр Павловтæ. Киноныв дзурæг у ирыстойнаг дзурынывтæ фыссæг Мæрзойты Самсоны цардвæндаджы тыххæй. Уый кусы хæхты, 11-æм æнусы арæзт чысыл аргъуаны къултæ аив кæныны. Самандурæй арæзт хæдзары нывгæнæгимæ иумæ цæры йæ бинойнаг æмæ сæ авд сывæллоны. Иумæ рвитынц сæ царды бонтæ. Иумæ вæййынц сæ цин æмæ зындзинад дæр. Уæлдайдæр та – хъæуккаг царды. Киноныв дзурæг у царды æцæг хæзнатыл æмæ удварны хъæздыгдзинадыл. Премьерæ адæмы зæрдæмæ фæцыд. Зæгъдзыстæм ма уый дæр, æмæ кинолентæ «Самсон» хаст æрцыд æппæтадæмон хæрзаудæн кинофестиваль «Лучезарный ангел»-ы сæйраг конкурсон программæмæ, стæй ма архайдта удварны æмæ бинонты кинойы XI фестиваль «Святой Владимир»-ы.
