Ацы хатт специалисттæ абалц кодтой Æрыдонмæ
Программæтæ кæныны бындуртæ, æфтуантæ кæнын, нейрохызтимæ кусын ахуыр кæнынц сывæллæтты мобилон технопарк «Кванториум»-ы. Ацы хатт специалисттæ абалц кодтой Æрыдонмæ. Ацы комплексы фæрцы республикæйы æппæт сывæллæттæн ис гæнæнтæ сæ зонындзинæдтæ фæуæрæхдæр кæнынæн. Мобилон кванториум Цæгат Ирыстоны фæзынд национ проект «Ахуырад»-мæ гæсгæ. Ахуырадон интенсивы тыххæй бæстондæр радзурдзæн Хъайтмазты Дзерассæ.
Бæрцуатон фигурæтæ æмæ модельтæ кæнын скъолайы. Ныр 2 къуырийы Æрыдоны 1-æм скъолайы ахуырдзаутæ цымыдисимæ ахуыр кæнынц 3Д-модельтæ кæныны бындуртæ. Се *хсæн æстæмкъласон Туаллæгты Сослан. Уарзы видеохъæзтытæ, уымæ гæсгæ йын тынг цымыдисаг у ацы къабаз. Лæппуйы фæнды сахуыр кæнын 3Д-модельтæ кæныны бындуртæ, цæмæй араза компьютерон хъæзтытæн хъайтартæ æмæ локацитæ.
Фидæны 4 дисциплинæйы, æмæ алкæцымæдæр сывæллæттæм ис цымыдисдзинад. 3Д-модельтæй фæстæмæ ма скъоладзаутæ ахуыр кæнынц робототехникæйы æмæ дизайны, картографийы, æнæпилотон аппараттæ кæныны бындуртæ. Ацы ахуыртæ цымыдисаг сты æрмæст скъоладзаутæн нæ, фæлæ ахуыргæнджытæн сæхицæн дæр. Сæ зæрдæмæ цæуы рæзгæ фæлтæры разæнгард кæнын ног хъуыддаджы бæрзæндтæм хизынмæ.
5 азы дæргъы мобилон технопарк «Кванториум» гом кæны сывæллæттæн ног гæнæнтæ ныры рæстæгæн æмæ фидæнæн дæр. Проект ахадгæйæ рæзы национ проект «Фæсивæд æмæ сывæллæттæ»-м гæсгæ. Уыцы рæстæгмæ Цæгат Ирыстоны алы районтæй скъоладзаутæ архайдтой бирæ республикон æмæ æппæтуæрæсеон конкурсты. Афæдзы кæронмæ «Кванториум»-ы ахуыргæнджытæ фæнд кæнынц бабæрæг кæнын Дыгуры æмæ Горæтгæрон районтæ. Ахуырадон интенсив ацы къабазмæ здахы бирæ сывæллæтты æргом.
Æппæт ног информаци сывæллæттæ стыр цымыдисимæ исынц. Специалистты ныхæстæм гæсгæ, «Кванториум»-ы фæрцы дæрддзæф скъолатæй сывæллæттæ зонгæ кæнынц инновацитимæ.
