Цæгат Ирыстоны 10 педагогы райстой иу хатты фиддон – фæйнæ милуан сомы
Алыбекты Эллæ, программæ «Земский учитель»-ы архайджытæн радта сертификаттæ. Цæгат Ирыстоны 10 педагогы райстой иу хатты фиддон – фæйнæ милуан сомы. Се хсæн – куыд æрыгон, афтæ фæлтæрдджын ахуыргæнджытæ математикæйæ, уырыссаг æвзагæй æмæ литературæйæ, биологийæ æмæ англисаг æвзагæй. Азхуырады æмæ наукæйы министры ныхæстæм гæсгæ, нæ республикæйæн ис хорз фæлтæрддзинад программæйы архайды. Проекты фæрцы хъæуккаг скъолатæ исынц профессионалон кадртæ. Сæ фылдæр сты математикæйы, фæсарæйнаг æзвæгты æмæ литературæйы ахуыргæнджытæ. Цæгат Ирыстоны хъæуккаг ахуыргæнджыты программæйы архайджытæ фылдæр сты Мæздæджы районы. Дыккаг бынаты – Æрыдоны район, æртыккаг та – Горæтгæрон район. Фембæлд арæзт æрцыд æргом ныхасы хуызы. Педагогтæ дзырдтой, цы зындзинæдтыл æмбæлынц, уыдоны тыххæй. Программæ кусын райдыдта 2020-æм азæй фæстæмæ. Йæ нысан у хъæуккаг скъолаты ахуырады æмвæзад фæбæрзонддæр кæнын, æмæ æппæт сывæллæттæн æмхуызон уавæртæ аразын.
