Куыстытæ сты кæронбæттæн къæпхæны
Дзæуджыхъæуы сывæлллæтты 99-æм рæвдауæдон 37 азмæ фыццаг хатт бындуронæй цалцæггонд цæуы. Куыстытæ сты кæронбæттæн къæпхæны. Сфидар кодтой бæстыхайы бындур. Баивтой электрон тыхы телтæ, хъармгæнæн æмæ канализацион системæтæ. Ныртæккæ мидæгæй æххæстгонд цæуынц аивгæнæн куыстытæ. Рæвдауæндон сног кодтой национ проект «Бинонтæм» гæсгæ. Бындурон цалцæг фæуын фæнд кæнынц азы кæронмæ. Бæлвырддæр радзурдзæн Хъайтмазты Дзерассæ.
Дзæуджыхъæуы сывæллæтты рæвдауæндон «Дюймовочка»»-йы бæстыхай бындуронæй фыццаг хатт цалцæггонд цæуы. Республикæйы, нацпроект «Бинонтæ»-м гæсгæ фыццаг ацы объект сног кæндзысты. Специалистты ныхæстæм гæсгæ, цалцæггæнæн куыстытæ райдыдтой бæстыхайы бындур фидар кæнынæй. Йæ райдианæй, зæгъæн ис, æмæ æнæ фундаментæй арæзт уыд.
Æххæстæй баивтой электрон тыхдæттæг телтæ, хъармгæнæн æмæ канализацион системæтæ. Сæрмагонд æргом аздæхтой спортзалы цалцæгмæ. Сæххæст æй кæндзысты нырыккон ифтонггæрзтæй.
Бындурон цалцæджы рæстæгмæ хъомылгæнинæгты раивтой районы иннæ рæвдауæндæттæм. «Дюймовочка»-йы разамонæг Цырыхаты Анжелæ куыд зæгъы, афтæмæй ам се *ппæт дæр æнхъæлмæ кæсынц аивгонд рæвдауæндон йæ дуæрттæ куы байгом кæна, уымæ. Арæзтадон организацийы минæвæрттæ куыстытæ æххæст кодтой ныййарджыты æппæт фæндонтæ хынцгæйæ.
Сцалцæг кодтой бæстыхаймæ уæлæмхасæн бацæуæн. Уыд кæлæддзаг уавæры. Куыстытæ ныртæккæ сты кæронбæттæн къæпхæны. Сывæллæтты рæвдауæндон йæ дуæрттæ байгом кæндзæн азы кæрон.
