Уый иннæ хæттытæй фæстæдæр у
Йæ 155-æм сезон Евгений Вахтанговы номыл Академион уырыссаг театр ацы аз байгом кæндзæн 8-æм ноябры. Уый иннæ хæттытæй фæстæдæр у. Фæлæ ивддзинæдтæ баст сты дыууæвæрсыг гастрольтимæ. Дзæуджыхъæуккаг сценæ октябры суазæг кодта Якуб Коласы номыл Национ академион драмон театры артистты Витебскæй. Ацы бонты Дзæуджыхъæуы фесты Александр Грибоедовы номыл Смоленскы паддзахадон драмон театры гастрольтæ. Уыцы рæстæг та Евгенийы Вахтанговы номыл Академион уырыссаг театр аивадуарзджыты зæрдæтæ рухс кодта Смоленскы. Стыр гастрольтæ æнтыстджынæй ацыдысты Мæскуыйы «Театр на Трубной»-ы. Театралон сезон Цæгат Ирыстоны сæйраг горæты официалон æгъдауæй байгом уыдзæн спектакль «Маскарад»-æй. 2026-æм азы Евгений Вахтанговы номыл Академион уырыссаг театр бæрæг кæндзæн йæ 155 азы бон. Ацы мæй та ма уыдзæн мюзикл «Леонардо»-йы премьерæ. Баст у зындгонд Леонардо да Винчийы цардимæ. Зæгъдзыстæм ма уый дæр, æмæ Ног азы бæрæгбонмæ сывæллæттæн цæттæ кæнынц постановкæ «Кот в сапогах».
