филиал вгтрк государственная телерадиовещательная компания “Алания”

Регионты хсæн мадæлон æвзæгты ахуыргæнджыты профессионалон конкурс «Мы разные, но равные» ацыд Алайнаг гимназы. Архайдтой дзы Цæгат Кавказы республикæты, стæй Хуссар Ирыстоны æмæ Адыгейæ педагогтæ. Конкурс цыди 2 къæпхæнæй. Архайджытæм æнхъæлмæ касти цалдæр фæлварæны – медиахуызы хи бацамонын, дæсныйадæвдисæг ахуыртæ æмæ хи ирхæфсæн дуне.  Ахуыргæнджытæ равдыстой се сфæлдыстадон курдиат, радзырдтой  сæ куысты ахуырадон процессы тыххæй. Конкурсы жюрийы хыгъдмæ хаст æрцыдысты Цæгат Кавказы федералон зылды ахуыргæнæндæтты минæвæрттæ. Конкурс баст у мадæлон æвзæгты профессионалон дæсныйады æмвæзад фæбæрзонддæр кæнынимæ.