Æртыккаг аз æххæстгонд цæуынц республикæйы сæргълæууæг Сергей Меняйлойы хъæппæрисæй
Уæлдæр æмæ астæуккаг ахуыргæнæндæтты скъоладзаутæн цæуынц ахуыртæ профиориентацион проекттæм гæсгæ. Æртыккаг аз æххæстгонд цæуынц республикæйы сæргълæууæг Сергей Меняйлойы хъæппæрисæй. Координатор у рагпрофессионалон цæттæдзинады центр. Бæлвырддæр радзурдзæн Хъайтмазты Дзерассæ.
Арæзтадон техникумы ацы бон сæрмагонд фæткæвæрд ис. Скъоладзаутæн байгом кодта йæ дуæрттæ. Алайнаг гимназы ахуырдзау Джиоты Тамерланæн профориентацион проект «Суббота в СПО» у, æвзæрст дæсныйадимæ хæстæгдæр базонгæ уæвыны гæнæн. Фидæны архитектор ныридæгæн бафæлвæрдта агуыридурæй чысыл къул самайын. Ахуыргæнджытæ куыд зæгъынц, афтæмæй иттæг хорз рауад.
Проект «Суббота в СПО»-мæ гæсгæ скъоладзаутæ æмбæлынц æрмæст ахуыргæнджытимæ нæ, фæлæ техникумы студенттимæ дæр. Ам фылдæр дæттынц, теоретикон нæ, фæлæ практикон зонындзинæдтæ. Рæзгæ фæлтæр уайтагъд бавналынц куыстмæ: агуыридурæй рæнхъ самайын, сæмбырд кæнын конструкци. Пайда кæнынц æцæг инструменттæй.
Ам æрмæст кусæн дæсныйæдтимæ нæ зонгæ кæнынц. Ис абон ахсджиаг цы компетенцитæ сты, ахæмтæ, куыд 3Д моделировани, дизайн. Студенттæ сæхæдæг куыд зæгъынц, афтæмæй арæзтады баиу вæййынц фантази æмæ технологитæ. Проекттæ «Сабат астæуккаг профессионалон ахуырады» æмæ «Сабат университеты»-мæ гæсгæ ахуыртæ цæуынц республикæйы æппæт астæуккаг æмæ уæлдæр ахуыргæнæндæтты.
Кучиты Батразы ныхæстæм гæсгæ, ацы аз январæй сентябрьмæ университеттæ æмæ техникумтæ бабæрæг кодтой 5 мин скъоладзауы онг.
