Баст у мастеры 70 азимæ
Юрий Побережныйы юбилейон равдыст «В пути…» байгом Цæгат Ирыстоны нывгæнджыты Цæдисы. Баст у мастеры 70 азимæ. Равдыстмæ хаст æрцыдысты нывкæнынад æмæ графикæ. Ирдæй дзы зынынц авторы æнæбафæзмгæ æрмдзæф æмæ æрхъуыдыдзинæдтæ. Нывгæнæг йæ аивады æвдисы сылгоймагмæ, æрдзмæ, дунемæ уарзондзинад. Кусы хицæн техникæмæ гæсгæ. Йæ уацмысты фылдæр хай конд сты сау æмæ урс ахорæнтæй. Цæгат Ирыстоны сгуыхт нывгæнæджы хыгъды ис сæдæгай нывтæ. Йæ хи сæрмагонд равдыстытæ йын уыди ныр 20 хаттæй фылдæр. Мастеры уникалон æрмдзæф аивадуарзджыты зæрдæтæм фæндаг раджы ссардта. Юрий Побережныйы царды 2 цауы аккаг хуызы сбæрæг кæныны фæндон бахастой культурæйы министрад, йе мкусджытæ æмæ аивадуарзджытæ. Равдыст «В пути…» ахæсдзæн 20-æм декабрьмæ.
