29 ноября 2025, 10:08
Музыкалон-поэтикон изæр «Мадимæ зæрдиаг ныхас…» арæзт æрцыд национ наукон библиотекæйы
Мадзал бацæттæ кодтой мады боны кадæн
Музыкалон-поэтикон изæр «Мадимæ зæрдиаг ныхас…» арæзт æрцыд национ наукон библиотекæйы. Мадзал бацæттæ кодтой мады боны кадæн. Йæ аразджытæ – литературон клуб «СТИХиЯ». Фембæлды æрмæст клубы уæнгтæ нæ архайдтой. Кæй фæндыд, уыдонæн фадат уыди раныхас кæнынæн, æмдзæвгæ бакæсынæн, кæнæ та музыкалон уацмыс балæвар кæнынæн. Уыцы бон хъуыстысты классикты уацмыстæ, стæй æрыгон, курдиатджын поэттæ сæхæдæг кæй ныффыстой, ахæм æмдзæвгæтæ. Литературон клуб «СТИХиЯ» республикæйы кусы 2008-æм азы. Уыцы рæстæгмæ сæ хъæппæрисæй арæзт æрцыди бирæ мадзæлттæ. Клубы архайдмæ цымыдисдзинад у уæрæх, се ргом æм здахынц куыд хистæр кары адæм, афтæ æрыгон фæлтæр дæр.
темæмæ гæсгæ
