Уæрæсейы æмæ Цæгат Ирыстоны адæмон артисткæ уыд зæрдæхæлар ахуыргæнæг театры бирæ æрыгон фæлтæртæн
Национ наукон библиотекæйы сфæлдыстадон проект «Великие старики великого театра» -йы фæлгæты, арæзт æрцыд ирд æмæ курдиатджын актрисæ Икъаты Серафины мысæн изæр. Уæрæсейы æмæ Цæгат Ирыстоны адæмон артисткæ уыд зæрдæхæлар ахуыргæнæг театры бирæ æрыгон фæлтæртæн. Курдиатджын актрисæйæн аккаг аргъ кодтой театрдзаутæ. Икъаты Серафин уыд, ирон театралон аивады райдиан чи лæууыд, уыдоны æмрæнхъ. Гадзыгыз, Варварæ, Любовь Яровая, Мирандолинæ, Сæлимæт… Цы сурæттæ сарæзта, уыдон театруарзджыты зæрдæтæ æлхæдтой сæ арф миддунейы хъæздыгдзинадæй. Уый та уыд актрисæйы стыр курдиат æвдисæг. Мадзал арæзт æрцыд Тæбæхсæуты Балойы номыл Цæгат Ирыстоны паддзахадон академион театры 90 азы бонмæ.
