10 декабря 2025, 10:56
Цæгат Ирыстоны цæттæ кæнынц архитектурон-арæзтадон эксперименталон кълæстæ царды рауадзынмæ
Проект арæзт цæуы республикæйы вице-премьер Атарты Георгийы хъæппæрисæй
Цæгат Ирыстоны цæттæ кæнынц архитектурон-арæзтадон эксперименталон кълæстæ царды рауадзынмæ. Проект арæзт цæуы республикæйы вице-премьер Атарты Георгийы хъæппæрисæй. Программæ баст уыдзæни скъоладзаутæм аразæджы æмæ архитекторы дæсныйæдтæм разæнгард кæнынимæ. Вице-премьер куыд зæгъы, афтæмæй ацы дæсныйæдты специалисттæ регионы фаг нæй. Профилон кълæстæ байгом уыдзысты 36-æм скъолайы бындурыл. 7- æм къласы уал æххæстгонд цæуынц черченийæ уæлæмхасæн ахуыртæ. Иннæ ахуыры азы профилон предметтæ фæзындзысты 10-æм къласы. Афтæмæй æмгуыстад фидар кæны арæзтадон техникумимæ дæр. Скъолайæн та фадат ис ног, уæлдæр æмвæзадмæ рахизынæн.
темæмæ гæсгæ
