18 декабря 2025, 10:00
Национ музейы байгом Цæгат Ирыстоны сгуыхт нывгæнæг Есенаты Æхсары куыстыты равдыст
Экспозицийы сæйраг темæ – «Рельефы Тишины»
Национ музейы байгом Цæгат Ирыстоны сгуыхт нывгæнæг Есенаты Æхсары куыстыты равдыст. Экспозицийы сæйраг темæ – «Рельефы Тишины». Аивадуарзджыты ахæссынц æнахуыр æмæ ирд тыгъдадмæ. Автор йæ куыстыты стыр æргом здахы зын, фæлæ уыимæ цымыдисаг фактурæмæ. Зæгъын хъæуы уый, æмæ Есенаты Æхсар у нырыккон ирыстойнаг аивады ирддæр минæвæрттæй иу. Йæ уацмыстæ иннæты хсæн бæрæг дарынц арф хъуыдыкæнынадæй æмæ формæтæм лæмбынæгдзинадæй. Мастеры куыстытæ ныртæккæ сты алыхуызон аивадон музейты æмæ хи коллекциты. Уыимæ куыд Уæрæсейы, афтæ фæсарæнты дæр. Равдыст «Рельефы Тишины» кусдзæн январы астæумæ.
темæмæ гæсгæ
