Конкурс арæзт фæцæуы алы аз дæр
«Ирыстон мæ зæрдæ»-йы. Хетæгкаты Къостайы номыл литературæйы музейы кад кодтой 8-æм республикон сфæлдыстадон конкурсы уæлахиздзаутæн æмæ лауреаттæн. Конкурс арæзт фæцæуы алы аз дæр. Йæ саразæг у Паддзахадон думæйы депутат Мæхъиты Зурабы хæрзаудæн Фонд «Фарн». Ацы хатт дзы архайдтой Цæгат Ирыстоны æппæт районтæй мин скъоладзауæй фылдæр. Куыстытæн аргъ кодтой æртæ номинацимæ гæсгæ: Эссе ахæм темæйыл – «Ирыстон мæ зæрдæйы», хи фыст æмдзæвгæ, стæй аивадон ныв. Номинантты адих кодтой æртæ кары къордмæ гæсгæ: 1-æмæй – 4-æм кълæстæ, 5-æмæй – 8-æм кълæстæ, стæй 9-æмæй – 11-æм кълæсты онг. Алы кары дæр фæйнæ æртæ бынаты. Курдиатджын фæсивæдæн радтой зæрдылдарæн лæвæрттæ æмæ кады гæххæттытæ. Хистæр наукон кусæг Гасанты Валерий та сын скодта экскурси, æмæ сын радзырдта музейы куысты тыххæй.
