Уæлахиздзау сси астæуккаг профессионалон ахуырады 20-æм æхсæнадон-профессионалон премийы
Дзæуджыхъæуы паддзахадон бирæвæрсыг техникумы ахуырадон-куыстадон комплекс нæ бæстæйы нымад æрцыд хуыздæрыл. Уæлахиздзау сси астæуккаг профессионалон ахуырады 20-æм æхсæнадон-профессионалон премийы. Йæ разамонæг Бирæгъты Давидæн та лæвæрд æрцыд арфæйы фыстæг Уæрæсейы Рухстауынады министрадæй. Бæлвырддæр хабæрттæ радзурдзæн Чехойты Фатимæ.
Бесаты Давид у 2-æм курсы студент. Йæ дæсныйад «Хъæддзаума аразæг»» у техникумы 5 ахуырады къабазæй иу. Агъуыст раст цыма æцæг цех у, афтæ активонæй дзы цæуы куыст. Æрмадзы алы суг дæр у хъæугæ æрмæг. Аразынц дзы алцыдæр: скъолайы партæтæй райдай æмæ хæдзары дзæумæттæ. Программæйы сæйраг бынат ис практикон ахуыртæн. Давиды хъуыдымæ гæсгæ, æрмдæсныйад у нæлгоймаджы, æнæмæнг, чи хъæуы, ахæм хорз фæлтæрддзинад.
Саразынц ахæм авторон рухсгæнæнтæ дæр. Сæ рауагъды хъæппæрис фæзынд æмæ технологийыл бакуыстой ахуыргæнæндоны.
Студенттæ архайынц машинæтимæ дæр – райсынц фæлтæрддзинад, стæй ма мызд дæр. Ахуыртæ цæуынц машинæтæн лæггæдты куыстуæтты специалистты разамындæй. Ахæм æрхъуыдыдзинадæн аргъ скодтой æппæтуæрæсеон уæлвæзадыл. Техникумы ахуырадон-куыстадон комплекс нæ бæстæйы нымад æрцыд хуыздæрыл æмæ хаст æрцыд 50-ай æнтыстджын практикæйы хыгъдмæ номинаци «Лидер образовательных инициатив»-ы.
Ахуыргæнæндоны се *нтыстдзинæдтыл æрлæууынмæ нæ хъавынц. Сæйраг нысан у – фидæны нымæцон къабазы рæзтыл чи кусдзæн, ахæм специалистты цæттæ кæнын.
