Проект ахуыр кæны скифты æмæ аланты материалон æмæ монон культурæимæ, нымæты орнаменттæ æмæ хъæздыг нывæфтыдтимæ
«Нымæт скифты æмæ сæрмæтты рæстæгæй аланты дуджы онг». Дыууæ мины æмæ 5 сæдæ азмæ фыццаг хатт конд чи рцыди, ахæм рагзаманты 6 артефакты Национ музейы равдыстыты залы равæрдта социалон-культурон организаци «Благодать». Проект у униклон. Æхсæнады ахуыр кæны скифты æмæ аланты материалон æмæ монон культурæимæ, нымæты орнаменттæ æмæ хъæздыг нывæфтыдтимæ. Фæлæ цымыдисаг у уый, æмæ ацы куыст цæуы нымæтын артефакттæ æмæ сæ орнаменттæ историон æцæгдзинæдты фæрцы рацарызын. Равдысты бындур – æрмдæсныты æмæ реконструкторты бындурон наукон куыст. Проекты автор Бзарты Аланæ куыд фæнысан кодта, афтæмæй ма фæнд кæнынц 20 нырыккон нымæт гыуызы скифты, сæрмæтты æмæ аланты орнаменттимæ скæнын. Ацы проект æххæстгонд цæуы президенты гранты фæрцы, историктæ, археологтæ æмæ этнологты æххуысæй. Йæ саразджытæ фæнд кæнынц равдыст цалдæр ранмæ аласын, цæмæй йæ фылдæр адæм феной, уый тыххæй
