Кадджын мадзал арæзт æрцыд Национ музейы
Паддзахадон телерадиокомпани «Алани»-йы журналисттæ систы республикæйы сæргълæууæджы æрвылазон премийы лауреаттæ. Кадджын мадзал арæзт æрцыд Национ музейы. Уæлахиздзаутæн раарфæ кодта Сергей Меняйло. Номинаци «Тема года в России» уæлахздзаутæ систы нæ телерадиокомпанийы директор Хъуысаты тимур, йæ документалон киноныв «Доблесть Осетии. Непрошедшее время героев» æмæ радиохъусынады службæйы разамонæг Джыккайты Заремæ йæ программæ » От дня радио ко Дню Победы»-имæ. Номинаци «Честь и Слава»-йы премийы аккаг сси радиойы службæйы продюсер Хъороты Нелли.. Бацæттæ кодта программæ «Герой нашего времени». Номинаци «Траектория будущего»-йы премийы лауреат сси Хуадонты Тамарæ, программæ «Весь мир во мне, и в мире я как дома». Уæвгæ хуыздæр журналистон куысты конкурс арæзт цæуы 8 номинацимæ гæсгæ. Лауреатты хсæн сты телерадиокомпаниты, газетты æмæ интернет-рауагъдадты минæвæрттæ. Зæгъдзыстæм ма уый дæр, æмæ республикæйы Сæргълæууæджы преми паддзахадон телераиокомпани «Алани»-йы директор, республикæйы журналистты цæдисы сæрдар, парламенты депутат Хъуысаты Тимур радта Адæмон фронты регионалон æмбырд «Алцыдæр уæлахизæн»-мæ. Премийы фæрæзтæй Адæмон фронты минæвæрттæ æфсæддонтæн самал кæндзысты хъæугæ дзаумæттæ.
