Аивадуарзджытæ тыхджын къухæмдзæгъдимæ афæндараст кодтой балеты артисты, фæлæ сæ зæрдæ дарынц, дарддæр дæр æй аивады кæй уындзысты, ууыл
30 азы дæсныйады. Уыдонæй 14 – Мариинаг театры филиалы. Цæгат Ирыстоны сгуыхт артист, Уæрæсейы Федерацийы паддзахадон премийы лауреат Цæболты Азæмæтæн йæ профессионалон карьерæ фæци, сценæйы уæвгæйæ. Балет «Фатимæ» æнтыстджынæй ацыд Мариинаг театры филиалы Дзæуджыхъæуы. Аивадуарзджытæ тыхджын къухæмдзæгъдимæ афæндараст кодтой балеты артисты, фæлæ сæ зæрдæ дарынц, дарддæр дæр æй аивады кæй уындзысты, ууыл. Чехойты Фатимæйæн ныхасы бар.
Тыхджын къухæмдзæгъдыл кæд артисттæ ахуыр сты, уæддæр ацы хатт у Цæболты Азæмæты царды ног къæпхæн. Йæ фæстаг куыст, балеты артист уæвгæйæ, сарæзта спектакль «Фатимæ»-йы. Хистæры сурæт постановкæйы æмæ кармæ гæсгæ коллективы хистæр – театры æрыгон кусджытæ цымыдисæй кæмæ кастысты, йæ уникалон хореографион курдиаты ахæм иуæгтæ. 30 азы дæргъы дæсныйады, уыдонæй се *рдæг снывонд кодта Мариинаг театры филиалæн. Аивады артдзæстмæ 2012-æм азы æрбацыд фæлтæрдджын артистæй, йæ хæлар Санаты Хъазыбеджы хуындмæ гæсгæ. Ацы сфæлдыстадон æмгуыстад рауад æппæты дæргъвæтиндæр. Уый та коллективы руаджы дæр, зæгъы республикæйы сгуыхт артист.
Цæболты Азæмæт Терпсихорæйæн лæггад кæны 90-æм азты астæуæй, æфсады куы баслужбæ кодта, уæдæй нырмæ. Гергиевы номыл аивæдты училищæйы сæрмагонд хореографийы хайады рауагъдон фæнд кодта Паддзахадон ансамбль «Алан»-ы кафæг суæвын, фæлæ йе сфæлдыстадон фæндаг рауад æндæрхуызон – Филармонийы ансамбль «Арт», паддзахадон театр «Арвайдæн», афæдз фæсарæнты куыст, уый фæстæ – легендарон «Алан».
Ам базонгæ йæ фидæны бинойнагыл. Æмæ та ног къæпхæн – раздæры оперæ æмæ балеты театры артистæн йæ фæндаг райдыдта Папа Карлойы сурæтæй.
Сценæйы йæхиуыл æнауæрдгæйæ, Цæболты Азæмæт ирд æнкъарæнтæ лæвар кæны театдзаутæн. Йæ бон уыд спортуарзджыты зæрдæтæ дæр рухс кæнын. Æвзонг лæппуйæ архайдта хъæбысхæстæй, цымыдисаг ын уыд бæхыл бадыны спорты хуыз дæр. Уæд, фидæны кафгæ кæндзæн æмæ хореографи йæ дæсныйад суыдзæн, уый æнхъæл нæ уыд. Йæ цард афтæ фæзилдзæн, уый æхсызгон у йе *мкусджытæн. Фæлæ, уыдоны хъуыдымæ гæсгæ, цавæрфæнды къабазы дæр уыдаид æнтыстджын.
Алывæрсыг курдиаты хицау – театры ахæм адæмæн стыр аргъ кæнынц. Сценæйы дæсныйæ æххæст кæны режиссеры домæнтæ. Уый тыххæй Цæболты Азæмæты театрæй ацæуын нæ уадзынц, йæ размæ йын æвæрынц ног хæс.
Дарддæры æмгуыстадыл йæ ныфс дары Азæмæт дæр. Йæ фæлладуадзыны афон кæд æрцыд, уæддæр æгуыст нæ уыдзæн. Ацы азтæ нымайы ног фадæтты рæстæгыл. Йæ бирæ рольтæ, стыр фæлтæрддзинад æмæ аивадмæ æнæкæрон уарзондзинад – ног сфæлдыстадон гæнæнтæм фæндаг.
