Рацараздзысты Гæздæнты Гайтойы номыл Цæгат Ирыстоны фæсивæдон библиотекæ
Республикæйы культурæйы Министрад райдыдта егъау проект æххæст кæнын. Рацараздзысты Гæздæнты Гайтойы номыл Цæгат Ирыстоны фæсивæдон библиотекæ. Бæстыхайы æххæст модернизацийы тыххæй уынаффæ рахастой æнæнхъæлæджы цауы фæстæ, актон залы цар куы ркалди, уæд. Специалисттæ скодтой иртасæн куыст, æмæ бахыгътой йæ аварион уавæр. Культурæйы министр Гуыдиаты Батраз радзырдта, бæстыхай 100 азы размæ арæзт кæй æрцыд, 1883-æм азы, къупец Андреевы заказмæ гæсгæ. Ныртæккæ йæ хъæдæй конд конструкцитæ нал фæразынц уæзæн, æддаг къул хæлы уарындæттæй. Уым уæвын æдас нæу. Рацарæзты фæстæ историон бæстыхайы фæзындзæн нырыккон фæсивæдон культурон центр. Уыдзæн дзы равдыстытæ, литературон изæртæ æмæ лекцитæ аразæн.
