03 марта 2026, 11:13
Регионты *хсæн конкурс «Наши надежды» райдыдта Петр Чайковскийы номыл сывæллæтты 1-æм музыкалон скъолайы
Архайы дзы 200 æвзонг музыкантæй фылдæр нæ бæстæйы алы регионтæй
Регионты *хсæн конкурс «Наши надежды» райдыдта Петр Чайковскийы номыл сывæллæтты 1-æм музыкалон скъолайы. Архайы дзы 200 æвзонг музыкантæй фылдæр нæ бæстæйы алы регионтæй. Сæ курдиатæн сын аргъ кæны жюри, йæ сæргъы – Уæрæсейы адæмон артисткæ Гергиты Ларисæ. Конкурс «Наши надежды» ныр 21-æм хатт арæзт æрцыд Дзæуджыхъæуы администрацийы культурæйы управленийы æххуысæй. Сфæлдыстадон ерысы сæ арæхстдзинад æвдисынц 7-æй 14 азы онг сывæллæттæ. Æдæппæтæй мадзалы ис 5 номинацийы. Конкурс цæудзæн 7-æм мартъийы онг.
