06 марта 2026, 10:32
ЦИПУйы арæзт æрцыд зындгонд физик Александр Сергеевы лекци
Баиу кодта студентты, æрыгон иртасджыты æмæ профилон факультетты ахуыргæнджыты
«Энергийы ног гуырæнтæ агургæйæ». Ахæм сæргондимæ Цæгат Ирыстоны паддзахадон университеты ЮНЕСКОйы залы арæзт æрцыд зындгонд физик Александр Сергеевы лекци. Баиу кодта студентты, æрыгон иртасджыты æмæ профилон факультетты ахуыргæнджыты. Физикæйы æмæ математикæйы Национ центры разамонæг Александр Сергеев бæстон æрлæууыд энергийы дунейыл. Стыр æргом аздæхта йæ ног гуырæнтæм æмæ нырыккон методтæм. Студенттæ базыдтой энергетикон секторы рæзты тыххæй, стæй ма лæвæрдтой ахсджиаг фæрстытæ дæр. Цæгат Ирыстоны паддзахадон университеты ректор Огъуаты Алан куыд загъта, афтæмæй ахæм ахуыргондимæ фембæлд фадат дæтты фæлтæрддзинадыл æфтауынæн.
темæмæ гæсгæ
